İsveç xəbər agentliyinin məlumatına görə, Baş nazir Ulf Kristersson bazar günü keçirilən illik təhlükəsizlik konfransında İsveçin müharibədə olmadığını, lakin sülhün də olmadığını bildirib.

Hesabatda bildirilir ki, İsveç NATO-nun alyansın Baltik dənizində mövcudluğunu artırmaq üçün sualtı infrastrukturun təxribatına qarşı səylərinə üç döyüş gəmisi qatacağını bildirib.

Stokholmdan bildiriblər ki, İsveç ordusu həmçinin ASC 890 müşahidə təyyarəsi təqdim edəcək.

İsveç Sahil Mühafizəsi Baltik dənizinin monitorinqinə kömək etmək üçün dörd gəmi təmin edəcək, daha yeddi gəmi isə gözləmə rejimindədir.

Hökumət bildirib ki, İsveç keçən ilin martında NATO-ya qoşulduqdan sonra ilk dəfə olaraq alyansın müdafiəsi və çəkindirilməsini dəstəkləmək üçün silahlı qüvvələr yerləşdirir.

İsveç Rusiyanın Ukraynanı işğal etməsinə cavab olaraq qonşusu Finlandiyadan sonra NATO-nun 32-ci üzvü oldu.

Bu addım Baltikyanı regionda baş verən silsilə insidentlərin Rusiyanın bölgədəki mümkün fəaliyyəti ilə bağlı narahatlıqları artırdığı bir vaxtda atılıb.

Dekabrın sonunda NATO rəhbəri Mark Rutte alyansın Baltik dənizində hərbi mövcudluğunu gücləndirəcəyini bildirmişdi.

Bəyanat Milad günü Finlandiya və Estoniyanı birləşdirən Estlink-2 kabelinin zədələnməsi hadisəsindən sonra verilib.

Hər iki ölkənin səlahiyyətliləri Rusiyaya aid tanker Eagle S-in lövbərini dənizin dibi ilə çəkməsinə görə məsuliyyət daşıdığından şübhələnirlər.

Tərcümə edəni Səfər Şakiroğlu Zekainfo.az