Los-Ancelesdə minlərlə evi məhv edən və 24 nəfərin ölümünə səbəb olan meşə yanğınları ilə yanğınsöndürənlər mübarizə aparır. Səlahiyyətlilər ölənlərin sayının arta biləcəyi barədə xəbərdarlıq edir.

Yanğınsöndürənlər bazar günü Los-Anceles bölgəsində minlərlə evi məhv edən və 24 nəfərin ölümünə səbəb olan meşə yanğınları ilə mübarizədə irəliləyiş əldə etmək üçün mübarizə aparıblar.

Los-Anceles qraflığının koroner ofisi bazar günü axşam verdiyi açıqlamada ölənlərdən səkkizinin Palisades yanğını, 16-nın isə İton yanğını ilə bağlı olduğunu bildirib.

Səlahiyyətlilər, meyit itləri olan qrupların yerlə-yeksan edilmiş məhəllələrdə sistemli axtarışlar aparması nəticəsində sayın artacağını gözlədiklərini söylədi.

Bu arada 16 nəfər itkin düşüb, səlahiyyətlilər isə sayının artacağının gözləndiyini bildiriblər. Səlahiyyətlilər insanların itkin düşənlər barədə məlumat verə biləcəyi mərkəz yaradıb.

Sinoptiklər təhlükəli hava şəraiti, güclü küləklərin bu həftə geri dönəcəyi ilə bağlı xəbərdarlıq ediblər. Hava Xidmətinin meteoroloqu Rich Thompsona görə çərşənbə axşamı ən təhlükəli gün olacaq.

Tərcümə edəni Səfər Şakiroğlu Zekainfo.az