Səlahiyyətlilərin məlumatına görə, 4300 ton ağır mazut Qara dənizə tökülərək 55 km sahil xəttini çirkləndirib.

İlhaq edilmiş Krımın rəhbəri Sergey Aksyonov Rusiya prezidenti Vladimir Putinin Kerç boğazında neft tankerinin qəzaya uğramasından sonra neft sızması ilə əlaqədar federal fövqəladə vəziyyət rejiminin yaradılması qərarını açıqlayıb.

Bir gün əvvəl Krasnodar vilayətinin başçısı Veniamin Kondratiyev bölgədə fövqəladə vəziyyət elan edib.

Onun sözlərinə görə, Fövqəladə Hallar Nazirliyinin rəhbəri Aleksandr Kurenkov fövqəladə hallar üzrə komissiya çağıracaq və bu komissiyada qərar qəbul ediləcək. Cənab Aksyonov həmçinin bildirib ki, neft sızmasının nəticələrinin aradan qaldırılması üçün federal vəsait ayrılacaq.

“Biz dünən bütün həmkarlarımızla liderin qərarı ilə bu vəziyyətə federal fövqəladə vəziyyət statusunun verilməsinin mümkünlüyünü müzakirə etdik”, cənab Aksyonov “Krım 24” televiziya kanalında deyib (İnterfaks-a istinadən).

Anapa və Temryukski rayonunda 54 km-lik sahil xətti boyunca təmizlik işləri aparılır. Müşahidə zonası 190 kilometrdən çox uzanır. İşlərdə 4000 xilasedici və könüllü iştirak edir. Dekabrın 25-nə olan məlumata görə, 30 000 tona yaxın çirklənmiş qum yığılıb, onun 23 500 tonu çimərliklərdən çıxarılıb.

Tərcümə edəni Səfər Şakiroğlu Zekainfo.az/