Hüquq davasının başlamasından on il sonra Saul Luciano Lliuya bazar ertəsi Perudan Almaniyaya getdi. Fermer enerji nəhəngi RWE-ni And dağlarında iqlim dəyişikliyinin təsirlərini düzəltməyə çağırır.

Dünyanın o tayındakı buzlaqların əriməsinə görə bir enerji şirkəti məsuliyyət daşıya bilərmi? Perulu fermer hesab edir ki, cavab bəli olmalıdır.

Perunun Ancash bölgəsindən olan fermer və dağ bələdçisi Saul Luciano Lliuya, Almaniyanın enerji nəhəngi RWE-yə qarşı təxminən on il davam edən hüquqi mübarizəsinin zirvəsinə çatdığı üçün bu həftə məhkəmə qarşısına çıxacaq.

44 yaşlı mütəxəssis iddia edir ki, dünyanın ən böyük istixana qazı emissiyalarından biri olan RWE, qarın və buzun əriməsi səbəbindən daşmaq təhlükəsi ilə üzləşən və böyüyən buzlaq gölündən doğma şəhəri Huarazı qorumaq xərclərinə töhfə verməlidir. Hesabata görə, RWE qlobal emissiyaların 0,47%-nə cavabdehdir.

Almaniyanın Hamm şəhərindəki Ali Regional Məhkəməsində martın 17 və 19-na təyin edilmiş dinləmələr, Peruda heç vaxt fəaliyyət göstərməyən RWE-nin dəymiş ziyana görə cavabdeh olub-olmayacağına qərar verəcək yekun məhkəmədə hansı sübutların qəbul ediləcəyini müəyyən edəcək.

Tərcümə edəni İnci Yusifqızı /Zekainfo.az