Poliomielit əleyhinə peyvənd
kampaniyasına start verilib. Zamana qarşı əsl yarış. İsrail hərbi
əməliyyatlarına yalnız üç günlük qismən fasilə verir.
Qəzza zolağında poliomielit
peyvəndi kampaniyası bu şənbə, avqustun 31-də, bir gün tez başlayıb. Məqsəd 10
yaşa qədər bütün uşaqları peyvənd etmək və bir neçə gün əvvəl bir uşaqda
aşkarlanan virusun Qəzzada yayılmasının qarşısını almaqdır. Bu, Fələstin
ərazisində son 25 ildə ilk təsdiqlənmiş haldır.
Faktiki peyvənd kampaniyası
Sentyabrın 1-də Fələstin Səhiyyə Nazirliyi (SN) tərəfindən, əsasən, Ümumdünya
Səhiyyə Təşkilatı (ÜST), UNICEF və Birləşmiş Millətlər Təşkilatının Fələstinli
Qaçqınlara Yardım və İşlər üzrə Təşkilatı (UNRWA) ilə əməkdaşlıq çərçivəsində
başlayacaq.
İsrail münaqişəyə yalnız üç günlük
qismən fasilə verir
Məqsəd əldə etmək asan deyil.
Peyvənd olunacaq 640 mindən çox uşaq var və çatdırılacaq və aşılanacaq dozalar
1,60 milyon (hər uşaq üçün iki) təşkil edir. Bütün əməliyyatları çox mürəkkəb
edəcək tamamilə fəlakətli kontekstdə.
İsrail də döyüşləri dayandırmaqda
maraqlı görünmür. ÜST Tel-Əvivlə hərbi əməliyyatlarda yalnız məhdud fasilə
nəzərdə tutan razılaşma əldə etdiyini bildirib. İsrail hökuməti bir gün
uzadılması ehtimalı ilə səhər saat 6-dan axşam 3-ə qədər döyüşləri dayandırmağa
razılaşıb.
Peyvənd kampaniyasının effektiv
olması üçün ÜST bildirib ki, uşaqların ən azı 90%-i peyvənd edilməlidir.
Missiyaya BMT agentliklərindən və Qəzza Səhiyyə Nazirliyindən 2100-dən çox tibb
işçisi cəlb olunacaq. Ümumdünya Səhiyyə Təşkilatının Baş direktoru Teodros
Adhanom Ghebreyesus, kampaniyanın mərkəzi Qəzza bölgəsində başlayacağını, daha
sonra zolağın cənubuna və nəhayət şimala doğru davam edəcəyini söylədi.
UNICEF-ə görə, bu sistem peyvənd
əhatəsini təmin etmək üçün kifayət deyil. “Təhlükəsizlik, yolların və
infrastrukturun zədələnməsi və əhalinin daimi yerdəyişməsi səbəbindən hər bir
ərazidə cəmi üç günlük kampaniyanın peyvəndlə bağlı adekvat əhatəni təmin etmək
üçün kifayət etməsi mümkün deyil”, - deyə BMT agentliyinin press-relizində
deyilir.
Tərcümə edəni Səfər Abbasov/zekainfo.az