İsrail və HƏMAS arasında atəşkəs razılaşmasının bazar günü qüvvəyə minməsi ilə əlaqədar İsrail ordusu işğal altındakı İordan çayının qərb sahilindəki Cenin bölgəsində ölümcül əməliyyata başlayıb.

Fələstinlilər çoxdan gözlənilən atəşkəs razılaşması əsasında Qəzzada öz evlərinə qayıtdıqları bir vaxtda İsrailin bölgədə böyük hərbi əməliyyatı başlayıb və İsrailli mühacirlər Fələstinin iki şəhərini işğal ediblər.

Çərşənbə axşamı İsrail ordusu işğal olunmuş İordan çayının şimalında yerləşən Cenin qaçqın düşərgəsinə hücum edərək 9 nəfəri öldürüb, 35 nəfəri yaralayıb. Küçələrdə İsrail ciplərinin karvanları sürünür, ardınca zirehli maşınlar və onlarla buldozer gəlirdi. Hava hücumları səsləndi. İsrail ordusu yüzlərlə insana düşərgəni tərk etməyi əmr edib.

Zorakılıq İsrailin baş naziri Benyamin Netanyahu HƏMAS ilə atəşkəs və girov mübadiləsinə razılıq verdikdən sonra ifrat sağçı müttəfiqlərinin daxili təzyiqi ilə üzləşdiyi vaxta təsadüf edir. İsrail və HƏMAS arasında atəşkəs razılaşması Qəzza zolağında 15 aydan çox davam edən gərgin müharibədən sonra bazar günü qüvvəyə minib.

Tərcümə edəni Səfər Şakiroğlu Zekainfo.az