Litium batareyaları fabrikdə partlayıb və dəhşətli
yanğın baş verib. Ölənlərin sayı əhəmiyyətlidir və yardım əməliyyatları davam
edir.
Dəhşətli kəşf.
Cənubi Koreyada yanğın zamanı itkin düşdüyü bildirildikdən sonra bu bazar ertəsi,
iyunun 24-də təxminən iyirmi nəfərin cəsədi tapılıb. Seulun cənubundakı
Hvasonda litium batareyaları zavodunda baş verən yanğının səbəbi hələlik məlum
deyil.
Şimali Koreya Cənubi Koreyaya zibillə dolu şarlar göndərir
(hətta nəcis): “Quru qum”dan istifadə edərək nəhəng yanğını söndürdükdən sonra
binaya girməyi bacaran Cənubi Koreyalı yanğınsöndürənlər tərəfindən ərazidə “təxminən
20 cəsəd tapılıb”. Yazının yuxarı hissəsindəki videomuzda gördüyünüz kimi, fövqəladə
hallar xidmətlərinin yaydığı görüntülərdə nəhəng qara tüstü buludu, eləcə də
fabrikin yanmış fasadı görünür.
Yanğınsöndürmə şöbəsinin əməkdaşı Kim Jin-yonq Yonhap
xəbər agentliyinə bildirib ki, işçilər litium batareyaların yoxlanıldığı və
qablaşdırıldığı ikinci mərtəbədə silsilə partlayış səsləri eşidən zaman fabrikdə
100-dən çox adam işləyirdi.
Sonuncu həmçinin mətbuata bildirib ki, yanğınsöndürənlər
başqa partlayışlardan qorxduqları üçün binaya daxil olmaqda çətinlik çəkiblər,
lakin yanğını söndürməyə nail olublar. Onlar hazırda alovla yanan binadan
meyitlərin çıxarılması üzərində işləyirlər. “Xilasetmə qrupu içəri daxil olub və
axtarış-xilasetmə işlərini həyata keçirir” dedi.
Yanğının baş verdiyi fabrikin ikinci mərtəbəsində çox
tez alışan, təxminən 35.000 litium batareyanın saxlandığı güman edilir.
Sonuncu, Cənubi Koreyanın əsas istehsalçısı olduğu akkumulyatorlar üzrə
ixtisaslaşmış Cənubi Koreya istehsalçısı Aricell-ə məxsusdur.
Cənubi Koreya prezidenti Yoon Suk Yeol, öz növbəsində,
yerli hakimiyyət orqanlarından "insanların axtarışı və xilas edilməsinə
diqqət yetirmək üçün bütün mövcud personal və avadanlıqları səfərbər etməyi"
xahiş etdi.
Öz növbəsində yerli hakimiyyət orqanları Hvasonq şəhərinin
sakinlərini tüstüyə qarşı xəbərdarlıq edərək, onlara evlərini tərk etməməyi
tövsiyə edib.
“Bir fabrikdə yanğından çoxlu tüstü var. Xahiş edirəm,
təhlükəsizliyə diqqət yetirin, xüsusən çölə çıxmaqdan çəkinin”, – SMS-lə göndərilən
xəbərdarlıq mesajında bildirilir. “Zavod yanğını. Zəhmət olmasa yaxınlıqdakı
yollarla dolama yolu gedin və ərazidə yaşayan sakinlərdən pəncərələrini
bağlamaları xahiş olunur”, – başqa bir mesajda xəbərdarlıq edilir.
Tərcümə edəni Səfər
Abbasov/zekainfo.az