Özbəkistan, Kolumbiya və Cənubi Koreya üçün ilk qələbələr!

Tacikistanın paytaxtı Düşənbədə keçirilən gənclər arasında cüdo üzrə dünya çempionatında üç inanılmaz gündən sonra bu şənbə günü ağır çəki dərəcələrinin vaxtı gəldi!

Çempionatın dördüncü gününə Beynəlxalq Cüdo Federasiyasının baş direktoru Vlad Marinesku və Tacikistan Cüdo Federasiyasının prezidenti İsmoil Mahmadzoir rəsmi olaraq start veriblər.

Tacikistanın ən böyük cüdo ulduzlarının iştirak etdiyi möhtəşəm mərasimdə izdiham Tacikistan Prezidenti Emoməli Rəhmonun doğum gününü qeyd edib.

-78 kq çəki dərəcəsində kolumbiyalı Brenda Olaya alman rəqibi Mathilda Sofi Niemeyerə qalib gələrək ölkəsinin yeniyetmələr arasında ilk dünya çempionu oldu!

"Çox xoşbəxtəm. Bunun üçün çox çalışdım və bu, mənim son ilimdir. Kolumbiyanı təmsil etdiyim üçün çox qürur duyuram. Mən ölkəmi sevirəm, insanlar çox mehribandır, çox səxavətlidir. Tacikistana isə təşəkkür edirəm. ”, - deyə çempion qələbəsindən sonra bildirib.

Çempionlara medalları Düşənbə şəhərinin meri Rüstəm Emomali təqdim edib.

/Zekainfo.az