Sammit Ukraynanın əsas dəstəkçisi olan Polşanın Avropa İttifaqında dönəmli sədrliyinə başladığı vaxta təsadüf edir.

Polşa, Fransa, İtaliya, Almaniya və Böyük Britaniya müdafiə nazirləri bazar ertəsi Varşavada Ukraynaya hərbi yardım və Rusiya təhlükəsi qarşısında Avropanın təhlükəsizliyini müzakirə etmək üçün bir araya gəlib.

Aİ və Böyük Britaniyanın yüksək səviyyəli hərbi rəislərinin görüşü Polşanın yanvarın 1-də Aİ-yə sədrlik etməyə başladığı vaxta təsadüf edir.

Fransanın müdafiə naziri Sebastien Lecornu Varşavaya getməzdən əvvəl yenidən silahlanmanın “hərbi məsələdən kənara çıxdığını” deyib və bunu ölkənin suverenliyi üçün qlobal məsələ adlandırıb.

Polşanın müdafiə naziri Wladislaw Kosiniak-Kamysz deyib: “Təhlükəsizlik xərclərindən daha vacib məsələ yoxdur”.

“Bu, güclü Avropanın üç əsas sütunundan biridir: güclü cəmiyyət, yəni hibrid müharibəyə müqavimətimiz, güclü ordu, güclü milli ordular və ittifaqımızın gücü”.

Polşa alyansın şərq sərhədində NATO-nun əsas üzvüdür və həm müdafiə, həm də humanitar yardım baxımından Ukraynanın ən sadiq müttəfiqlərindən biri olaraq qalır, xüsusən də coğrafi mövqeyi onun Ukrayna cəbhə xəttinə tədarükləri tez bir zamanda çatdırmağa imkan verdiyini nəzərə alsaq.

Varşava 2025-ci ildə ÜDM-in 4,7%-ni müdafiəyə xərcləməyi planlaşdırır, çünki Donald Trampın qarşıdan gələn andiçmə mərasimi ABŞ-ın Kiyevə yardımının kəsilməsi qorxusunu artırır.

Tərcümə edəni Səfər Şakiroğlu Zekainfo.az