Etkileyici bir performans. Bazar günü, yanvarın 26-da britaniyalı ultramarafonçu Sofi Pauer İngiltərənin Birmingem şəhərində keçirilən Milli Qaçış Şousunda qadının qaçış zolağında iki gün ərzində qət etdiyi məsafəyə görə dünya rekordunu qırıb.

Məqalənin yuxarısındakı videomuzda gördüyünüz kimi o, 48 saat ərzində təxminən 365 kilometr qaçdı.

Qırx yaşlı idmançı bununla da yeni zelandiyalı Emma Timmisin 340 kilometr məsafə qət edən əvvəlki rekordunu silib.

Onun bu uğuru Ginnesin Rekordlar Kitabı tərəfindən təsdiqini gözləyir. Sofi Pauer BBC-yə deyib: "Bu, inanılmaz bir sınaq oldu və bunun bitdiyi üçün çox rahatladım".

Sonuncu yarışı özünün yaratdığı SheRaces assosiasiyasının xeyrinə həyata keçirdi. Təşkilatın missiyası qadınların yarış idmanında üzləşdiyi maneələri aradan qaldırmaq, xüsusən də onların ehtiyaclarını daha yaxşı nəzərə almaqdır.

Sofi Pauer 2018-ci ildə Ultra-Trail du Mont-Blanc yarışında adından söz etdirdi. O, üç aylıq oğlu Kormakı əmizdirmək üçün dayanaraq 170 kilometrlik yarışı başa vurub.

Tərcümə edəni Səfər Səfərov /Zekainfo.az