Yerli mənbələrin məlumatına görə, İsrail əsgərləri İordan çayının qərb sahilindəki Cenin qaçqın düşərgəsinə rəsmi səfəri zamanı 25-ə yaxın səfir və nümayəndədən ibarət diplomatik nümayəndə heyətinə atəş açıb.

Çərşənbə günü bölgədəki humanitar vəziyyəti müşahidə etmək üçün səfərdə olan nümayəndə heyətinin atəşə tutulması diplomatik dairələrdə qınaq dalğasına səbəb olub.

Fələstinin “Vəfa” xəbər agentliyinin məlumatına görə, təxminən 25 səfir və nümayəndə İsrail ordusunun düşərgənin şərq girişində qurduğu dəmir baryerin yaxınlığında atəşə tutularkən jurnalistlərlə birlikdə olub.

Tərcümə edəni Habil Sönməz/Zekainfo.az