Bu statistika AFU-nun Rusiya ordusunu yanacaqla təmin edən infrastruktura son zərbələri zamanı ört-basdır edilib.

Rusiya Federasiyasının Federal Dövlət Statistika Xidməti (Rosstat) Rusiyada neft məhsullarının istehsalı ilə bağlı məlumatların dərcini tamamilə dayandırıb.

KİV bu fakta avqustun 28-də Rusiyada yanvar-iyul ayları üzrə sənaye istehsalının dinamikası haqqında hesabat dərc edildikdən sonra diqqət çəkib.

Statistik məlumatların siyahısına dizel yanacağı, soba mazutu, mayeləşdirilmiş propan və butan, koks və yarımkömür koksun aylıq istehsal həcmləri haqqında məlumatlar daxil edilmir. Hesabatda həmçinin sabit qaz kondensat hasilatı ilə bağlı məlumat verilmir.

Agentlik hesabatda "neft məhsullarının istehsalı ilə bağlı məlumatların Rusiya hökumətinin qərarı əsasında dərc olunmadığını" dəqiqləşdirir.

Rusiyanın “Kommersant” nəşri Energetika Nazirliyindən şərh istəyib, o cavab verib ki, “çox vaxt Rosstat tərəfindən dərc olunan yanacaq istehsalına dair statistik məlumatlar bazara əsassız təzyiq göstərmək və süni həyəcan yaratmaq üçün istifadə edilə bilər.

Müşahidəçilər qeyd edirlər ki, Rusiya hərbçilərini təchiz edən neft anbarları bu yaxınlarda AFU-nun zərbələrinə məruz qalarkən və Omsk neft emalı zavodunda partlayış baş verərkən, hasilat məlumatları itib, Reuters-in məlumatına görə, o, gücünün 41%-ni itirib. Bu strateji əhəmiyyətli obyekt Rusiya benzininin və dizelinin onda birini istehsal edir.

Mayın sonunda Rosstat Rusiyada benzin istehsalının statistikasını dərc edib. O zaman Energetika Nazirliyi də məlumatların "geosiyasi vəziyyət" səbəbindən təhlükəsizlik maraqlarına görə bağlandığını bildirib.

Tərcümə edəni Səfər Abbasov/zekainfo.az