Qəzzada vəziyyət yaxın saatlarda və ya günlərdə daha aydınlaşa bilər. Qətər çərşənbə axşamı, yanvarın 14-də bildirib ki, Fələstin anklavında İsrail və HƏMAS arasında 15 aylıq müharibədən sonra atəşkəs razılaşması "çox tezliklə" bağlana bilər.

Donald Trampın bir həftə sonra vəzifəyə başlaması ilə, HƏMAS-ın 7 oktyabr 2023-cü ildə İsrailə hücumundan sonra Fələstin ərazisində saxlanılan girovların azad edilməsini nəzərdə tutan atəşkəs üçün dolayı danışıqlar intensivləşdi.

ABŞ və Misirlə əsas vasitəçi olan Qətər Dohada davam edən danışıqların "son mərhələdə" olduğunu və razılaşmanı əngəlləyən "əsas məsələlərin" həll edildiyini bildirib. “Ümid edirik ki, bu, tezliklə razılaşmaya gətirib çıxaracaq”, – Qətər diplomatiyasının sözçüsü əlavə edib.

İsrail mediası və danışıqlara yaxın mənbələrin məlumatına görə, atəşkəsin ilk mərhələsində 33 girov azad ediləcəkdi. HƏMAS-a yaxın mənbələrin bildirdiyinə görə, əvəzində İsrail tərəfindən saxlanılan 1000-ə yaxın fələstinli məhbus azad ediləcək.

Müharibə başlayandan bəri 2023-cü ilin noyabr ayının sonunda cəmi bir həftəlik atəşkəsə əməl olunub və o vaxtdan bəri aparılan danışıqlar hər iki tərəfin barışmazlığına qarşı çıxıb.

Tərcümə edəni Səfər Şakiroğlu Zekainfo.az