Hamısı Hollandiya sakinləri olan və yaşları 19 ilə 32 arasında olan beş müttəhim ictimai zorakılıq, oğurluq və hücumda ittiham edilib.

Hollandiya məhkəməsi noyabr ayında İsrailin “Makkabi Tel-Əviv” komandası ilə “Ayaks” arasında futbol matçı zamanı baş vermiş zorakılığa görə beş kişini altı aya qədər həbs cəzasına məhkum edib.

Çərşənbə axşamı Amsterdam Rayon Məhkəməsi bir nəfəri altı ay, digərini iki ay yarım, iki nəfəri isə bir ay həbs cəzasına məhkum edib. Beşinci müttəhim 100 saat ictimai işlərə məhkum edilib.

Noyabrın 7-də baş tutacaq matçın keçirilməsinə Hollandiya terrorizmə qarşı nəzarət orqanı israilli azarkeşlər üçün heç bir "konkret təhlükə" olmadığı və matçın yüksək riskli matç sayılmadığına qərar verdikdən sonra icazə verildi. Buna baxmayaraq, Amsterdam hakimiyyəti Johan Cruyff Arena qarşısında Fələstin tərəfdarı nümayişi qadağan edib.

Araşdırmaya görə, matçdan bir gün əvvəl səlahiyyətlilər bir neçə insident, o cümlədən israilli azarkeşlərin Amsterdamdakı binadan Fələstin bayrağını qoparması və taksiyə hücum etməsi barədə məlumat verib.

Tərcümə edəni Səfər Şakiroğlu Zekainfo.az/