BMW Qrupu AB-nin Rusiyaya nəqliyyat vasitələrinin ixracının qarşısını almaq üçün tətbiq etdiyi sanksiyalara baxmayaraq, rus alıcılarına 100-dən çox yüksək səviyyəli avtomobil satdığını təsdiqləyib.

Alman avtomobil istehsalçısı BMW Group, geniş yayılmış beynəlxalq və Avropa sanksiyalarına baxmayaraq, Business Insider-in xəbərini təsdiqləyərək, rus alıcılarına yüzdən çox lüks avtomobil satdığını açıqlayıb.

Bu satışlar Rusiya ilə Ukrayna arasında müharibə başlayandan sonra Rusiyaya dəbdəbəli malların ixracına qarşı tətbiq edilən mövcud Avropa sanksiyalarının pozulması kimi qiymətləndirilə bilər. Aİ ilə yanaşı, ABŞ 2022-ci ilin martından Rusiyaya dəbdəbəli avtomobillərin ixracına da sanksiya qoyub.

Avropa İttifaqı həmçinin mühərrik həcmi 1900 kubsantimetrdən çox olan yeni və işlənmiş lüks avtomobillərin, eləcə də bütün hibrid və elektromobillərin Rusiyaya ixracına xüsusi sanksiya qoyub.

BMW satışları "qanunsuzluqlar" adlandırıb və qeyri-qanuni ticarətin arxasında Hannover filialının işçilərinin olduğunu təsdiqləyib. Nəticədə, BMW Group şirkəti mövcud sanksiyalara uyğunlaşdırmaq məqsədi ilə əməliyyatlarda iştirak edən bütün işçilərini işdən azad etdiyini və həmçinin gələcək tədarüklərin bir çoxunu dayandırdığını bildirib.

Tərcümə edəni Səfər Şakiroğlu Zekainfo.az/