Çərşənbə günü Moskva Ukraynanın enerji infrastrukturuna kütləvi raket və dron zərbələri endirərək ukraynalıları Milad səhəri metro stansiyalarına sığınmağa məcbur edib.

Ukrayna prezidenti Vladimir Zelenski X-də verdiyi açıqlamada Ukraynanın enerji mənbələrinə zərbələr endirmək üçün ballistik raketlər də daxil olmaqla 70-dən çox raket və 100-dən çox hücum pilotsuz uçan aparatından istifadə edildiyini bildirib.

"Putin qəsdən hücum etmək üçün Milad bayramını seçdi. Bundan qeyri-insani nə ola bilər? Onlar mübarizəni davam etdirirlər ki, Ukrayna elektrik enerjisindən məhrum olsun". Cənab Zelenski dedi

Onun sözlərinə görə, Ukrayna ən azı 50 raket və xeyli sayda pilotsuz uçan aparatı vurmağa nail olub.

Hücum zamanı Dnepr bölgəsində azı bir nəfər həlak olub, Ukrayna baş nazirinin müavini Oleksi Kuleba Telegram-da bildirib və əlavə edib ki, İvano-Frankivskdə 155 yaşayış binasının istiləşməsi dayandırılıb.

O, həmçinin bildirib ki, Xarkov vilayətində 2677 bina istiliksiz qalıb.

Ukraynanın xarici işlər naziri Andriy Sybiha Rusiya raketinin Moldova və Rumıniya hava məkanını keçdiyini bildirib.

Moldova prezidenti Maria Sandu X-də ölkəsinin hava məkanının pozulmasını təsdiqləyib.

Tərcümə edəni Səfər Şakiroğlu Zekainfo.az/