Cənab Tajaninin Livandakı danışıqları o, Suriyanın faktiki lideri Əhməd əl-Şara ilə uzun müddətdir hakimiyyətdə olan lider Bəşər Əsədin devrilməsindən sonra Dəməşqə ilk səfəri ilə eyni gündə baş tutub.

İtaliyanın xarici işlər naziri Antonio Tajani Beyrutda Livanın yeni seçilmiş prezidenti Cozef Aun ilə görüşüb.

Görüşdən sonra cənab Tajani cənab Aunun rəhbərliyini tərifləyərək dedi ki, “çox nüfuzlu şəxsiyyətə” malik prezident regionda sülhə töhfə verəcək.

İtaliya səfirliyində çıxış edən Tajani İsraillə müharibədən sonra Cənubi Livanda atəşkəs razılaşmasının gücləndirilməsinin vacibliyini vurğulayıb.

Cənab Tajani həmçinin Birləşmiş Millətlər Təşkilatının Livandakı Müvəqqəti Qüvvələrində (UNIFIL) xidmət edən italyan batalyonunun zabit və əsgərləri ilə video danışıq aparıb.

İtaliya UNIFIL tərkibində vertolyotlarla işləyən birgə qüvvələr qrupu olan Italair bölməsi də daxil olmaqla təxminən 1067 əsgərdən ibarət kontingent saxlayır.

Italair, ilk növbədə, Dəniz və Hərbi Hava Qüvvələrinin töhfələri ilə İtaliya Ordusunun şəxsi heyətindən ibarətdir.

1979-cu ildə yaradılan o, İtaliyanın ən qədim beynəlxalq missiyasıdır və BMT-nin Livandakı fəaliyyətlərini daim dəstəkləyir.

Tərcümə edəni Səfər Şakiroğlu Zekainfo.az