Yeni il qərarlarınızı bütün yanvar ayı ərzində saxlamısınız və onları ömürlük saxlamağa hazır olduğunuzu düşünürsünüz? Daha bir neçə həftə nizam-intizamda qalmaq daha yaxşıdır. Cənubi Avstraliya Universitetinin 2024-cü ilin dekabrında dərc olunmuş araşdırması bunu tövsiyə edir.

2008-2023-cü illər arasında 2600-dən çox iştirakçı üzərində aparılan iyirmi sorğunun meta-analizindən istifadə edərək, Avstraliya universitetinin tədqiqatçıları daha çox su içmək, idman etmək və ya diş ipindən istifadə etmək kimi yeni yaxşı vərdişlərin necə formalaşdırılmasına baxıblar.

Nəticə odur ki, yeni rutinlər yaratmaq üçün lazım olan vaxt hər bir vəziyyətdən asılı olaraq fərqlidir, lakin orta hesabla iki aya yaxındır - bu günə qədər məşhur inancın təklif etdiyi kimi üç həftə deyil.

“Healthcare” jurnalında dərc olunan tədqiqat hesablayıb ki, yeni yaxşı vərdiş formalaşdırmaq üçün orta vaxt 59 ilə 66 gün arasında olub – bu müddət, vəziyyətdən asılı olaraq 335 gün və ya 11 aya qədər uzana bilər.

Tərcümə edəni Səfər Səfərov /Zekainfo.az