Ölkənin cənubunda avtobus dərəyə aşıb. İstintaqın ilkin qənaətinə görə, faciəyə səbəb həddindən artıq sürət olub.

Boliviyanın Potosi əyalətinin And bölgəsində bazar ertəsi günü əyalətlərarası avtobusun 800 metr hündürlükdən dərəyə aşması nəticəsində azı 28 nəfər ölüb, 20 nəfər yaralanıb. Ölənlərin sayı Boliviya polisi tərəfindən ilkin olaraq 31 ölü və 15 yaralı olduğu bildirilən yenilənmiş hesabatda təsdiqlənib.

Potosi polisinin departament komandanlığının sözçüsü Limberth Choque, avtobusun Potosi ilə Oruro arasında hərəkət etdiyini və qəzanın təyinat yerindən 311 kilometr aralıda, Yocalla şəhəri yaxınlığında baş verdiyini söylədi.

Cənab Choque bildirib ki, qəza kəskin döngələri olan sıldırım yolda baş verib. İlkin araşdırmalar göstərir ki, qəzanın əsas səbəbi sürət həddinin aşılması olub, ehtimal ki, sürücü avtomobilə idarəetməni itirib. Sosial şəbəkələrdə yayılan görüntülərdə avtobusun dərənin dibində tamamilə dağıldığı görünür. Qəzanın dəqiq səbəblərini müəyyən etmək üçün hələ də ixtisaslaşmış qruplar hadisə yerində işləyir.

Tərcümə edəni Səfər Səfərov /Zekainfo.az