İspaniya, Fransa, Portuqaliya və İrlandiya kimi güclü Atlantik dalğaları olan Avropa ölkələri dalğa enerjisi üçün ən böyük potensiala malikdir.

Yer səthinin 71%-ni əhatə edən okeanlar dünyanın ən qiymətli, lakin istifadə olunmamış bərpa olunan mənbələrindən biridir.

Okean dalğalarının enerjisi böyükdür və təmiz enerjiyə keçidə mühüm töhfə verə bilər. Beynəlxalq Enerji Agentliyinin (IEA) məlumatına görə, 2050-ci ilə qədər emissiyaları xalis sıfıra çatdırmaq üçün okean enerjisi istehsalı ildə 33% artmalıdır.

Avropanın ən böyük tədqiqat institutlarından biri olan SINTEF-in baş tədqiqatçısı José Miguel Rodrigues deyir: “Dalğa və gelgit enerjisi mühüm, etibarlı və davamlı enerji mənbəyi olmaq potensialına malikdir.

İqlim Dəyişikliyi üzrə Hökumətlərarası Panel (IPCC) dalğa enerjisinin ildə 29,500 TWh-a qədər istehsal edə biləcəyini təxmin edir. Bu, Avropanın ümumi illik elektrik istehlakından demək olar ki, on dəfə çoxdur və 2018-ci ildə dünyanın illik elektrik enerjisi istehsalından çoxdur.

Tərcümə edəni İnci Yusifqızı /Zekainfo.az