Cəmiyət 27 İyun 2024 - 10:28

“Ata, Kəlbəcərə Murovdan aşıb gedəcəyəm”, - deyən oğlum leytenant Sənan Sadıqzadənin bu gün doğum günüdür. Kəlbəcərdə doğulduğu üçün "Ad günüm oirda qalıb" deyir - "Ad günümü qaytarmaq üçün Kəlbəcəri azad etməliyik işğalçılardan". Doğru deyir balam: babalarımızın anım günləri, balalarımızınsa ad günləri tapdaq altında qalıb!

Bu gün sənin üçün həyatında çox əlamətdar bir gündü, Sənan! Sənə Kəlbəcərinə və səadətinə qovuşmağını arzulayır, doğum günün kutlu olsun, TÜRK OĞLU TÜRK,-deyirəm.

Gəncədəsən, yanımızda olsaydın bağrımıza basardıq. Sən bizim ailənin - anan Gülbəniz xanımın, qardaşın Kənanın, onun ailəsi - qız balamız qədər sevdiyimiz Günay balamızın və onun da balası, şipşirinimiz ÜMİDimizin əzizisən! Sən dostların, yaxın-uzaq qohumların sevimlisisən!

Əxlaqın və haqq yolunda olmağın Tanrıya məlumdir. Tanrı səni bu il sevdana, yarına qovuşdursun, arzularına çatasan. Səni sevənləri sən də sevindirəsən, qız istəməyə, HƏ deməyə, nişana yollayasan, toy edəsən, dostların da sənin kimi, toyunda əziyyət çəkələr -yeyib-içib, oynayalar.

Bax, Bu günlərini səbirsizliklə gözləyirik. Bu şeiri isə ata hədiyyəsi kimi qəbul elə, bala.... Səni xoşbəxt olasan!

Yolunu sal, oğul, doğma dağlara,

Doyunca zirvələr gəz, qadan alım.

Haray sal çiçəkli göy yaylaqlara,

Bir dəstə bənövşə üz, qadan alım.

Özünlə götürüb əsil dostları,

Dolan təpələri, qalx dağa sarı.

Yayın ortasında görəndə qarı,

Götür yaz bir qatar söz, qadan alım.

O bulaq, bu tala, o da ki meşə,

Bulud aralansa, düşmən təşvişə,

Tələsik əmlikdən kabab çək şişə,