![Dəli məsləhətlərini paylaşan bu internet istifadəçiləri üçün istidə yatmaq mümkün deyil](https://zekainfo.az/storage/news/2024/06/28/30jpg_1719553658-thumb.jpg)
Daimi “ön cəbhə”nin fədakarları!
Zərraf Şirinov: “Bir nəfər
“evdəqal” çağırışına məhəl qoymadan, sanitar qaydalara riayət etmirsə, artıq həmin
şəxsin “özüm bilərəm, bu mənim sağlamlığımdır” deməyi böyük təhlükədir.
2019-cu ilin sonlarılnda Çinin
Uhan əyalətində viruslar ailəsinə aid daha bir bəlanın (COVİD-19) peyda olması,
ilk baxışdan bəlkə də diqqəti cəlb etmədi. Ona laqeyd yanaşılmanın son aqibəti
budur: dünya koronavirus pandemiyasının ömrünü qısaltmaq üçün cihada başlayıb,
yaşından, vəzifəsindən, milliyyətindən, hansı qitədə və ya materikdə
yaşamasından asılı olmayaraq, son rəqəmlər hələ ki ürəkaçan olmasa da. Lakin
Çin artıq koronavirusdan xilas olmaq üzrədir ki, bu da ümumiyyətlə, pozitivliyə
əsas verən ən ciddi arqument kimi mütəxəssislər tərəfindən birmənalı şəkildə qəbul
olunur.
Son günlər Azərbaycanda da
koronavirus (COVİD-19) infeksiyasına yoluxma halları artıb. Aprelin 5-nə olan məlumata
əsasən, ölkədə virusa yolxuma faktında ciddi artım olmasa da, dəyişikliklər
var. Burada koronavirus infeksiyasına yoluxma hallarının artması səbəbləri ilə
bağlı sosial şəbəkələrdə müəyyən mülahizələr irəli sürülür və suallar verilir.
İnfeksiyaya yoluxmanın sayının məhz indi artmasının bir sıra səbəbləri olmamış
deyil.
Bildiyimiz kimi, bu günlər həkimlərimizin
fədakarlığına daha çox ehtiyac duyulur. Ölkədə hər kəs yaxşı bilir ki, həkimlərimizlə
polislərimiz, eləcə də bir sıra digər ictimai təşkilatlar və dövlət orqanları
bu pandemiyaya qarşı mübarizədə ön cəbhənin döyüşçülərinə çevriliblər.
Akademik M.A.Topçubaşov adın
Elmi-Cərrahiyyə Mərkəzinin Qaraciyər, öd kisəsi və mədəaltı vəzin cərrahlığı
şöbəsinin Baş elmi işçi, tibb elmləri doktoru, professor Zərraf Şirinovla da
söhbətimiz məhz bu məsələ ilə bağlıdır.
Professor qeyd edir ki, ilkin
dövrdə infeksiya faktları müəyyən olunanda Azərbaycan yalnız Ümumdünya Səhiyyə
Təşkilatından məhdud şəkildə testlər alırdı. Həmin dövrdə mövcud imkanlar çərçivəsində
müayinələr aparılırdı. Ona görə də yoluxanların sayının az olması bununla bağlı
idi.
Sonrakı dövrdə ölkəmiz artıq
özü kifayət qədər testlər almağa başladı. Əgər ilkin vaxtlar ölkədə gündə cəmi
200-300 test keçirilirdisə, indi müayinələrin sayı mindən çox olur. Bu gün ölkədə
35 mindən artıq test keçirilibsə, bu, artıq yoluxma hallarını müəyyənləşdirmək
üçün imkanların artırılması deməkdir.
Azərbaycan yeni, ən müasir
standartlar səviyyəsində olan əlavə tibbi laboratoriyalar aldı. Mütəxəssislərin
fikrincə, koronavirusun inkubasiya dövrü 14 gündür, lakin xəstəliyin üzə
çıxması 28 günədək çəkə bilər. Bununla bağlı professorun da fikirləri
maraqlıdır: “Təbii ki, xaricdən gələn və karantinə yerləşdirilən şəxslərlə
bağlı bir neçə mərhələdə test aparılır. Son bir həftə ərzində keçirilən testlər
xaricdən gələn çoxlu sayda insanda yoluxma faktını təsdiq edir. İlkin dövrdə
infeksiya yalnız xaricdən gələn şəxslərdə aşkarlanırdı.
İndi həm də ölkə daxilində
insanların bir-birini yoluxdurması halları qeydə alınır. Regionun digər ölkələrinə
nəzər yetirsək, vəziyyəti təhlil etmək bir qədər də asanlaşar. Ümumdünya Səhiyyə
Təşkilatının son məlumatına görə (rəqəmlər gün ərzində bir neçə dəfə dəyişildini
nəzərdən qaçırmayaq), Ermənistanda 740-a yaxın yoluxma və 7 ölüm faktı qeydə
alınıb. Onu da unutmayaq ki, bu ölkədə Azərbaycanla müqayisədə 5 dəfəyə yaxın
az, cəmi 7994 test aparılıb. Gürcüstanda isə yoluxmaların sayı 150-ni keçib,
baxmayaraq ki, orada hələ ölüm faktı qeydə alınmayıb”.
Həmsöhbətimin fikrincə,
Avropada, xüsusən İtaliya və İspaniyada yoluxma halları və ölüm faktları artan
xətt üzrə inkişaf edəndə, bu qitənin bir çox ölkəsində “nisbi sakitlik” hökm
sürürdü. Bu gün isə koronavirus Avropanın çoxlu sayda ölkəsində tüğyan edir:
“Avropa ilə müqayisədə, ABŞ-da yayılma və ölüm halları gec başladı, indi isə bu
ölkə, az qala, koronavirus pandemiyasının əsarəti altındadır. Regionun və
dünyanın təcrübəsi göstərir ki, infeksiyanın sürətlə yayılması və pik həddə
doğru hərəkəti bir çox obyektiv və subyektiv amillərlə bağlıdır. Hər bir ölkə və
region üçün bu hal spesifikdir.
Mən dövlətimizin tədbirlərini,
əlbəttə, birmənalı şəkildə dəstəkləyirəm. Həkimlərimizin fədakar əməyini isə
alqışlayıram. Evdə qalmaqla əhalimizi virus bəlasından qorumuş olarıq. Nə qədər
az sayda insan xəstələnərsə, onun öhdəsindən gəlmək həkimlər üçün bir o qədər
asan olacaq. Axı, ölkədə xəstəlik yalnız koronovirusla bağlı deyil.
Bir sıra xəstəliklər də var
ki, insanlar onun əzabını yaşamaqdadırlar, onlara da yardım göstərmək, müalicə
edib sağaltmaq məhz həkimlərimizin üzərinə düşür.Xəstəlik kütləvi hal alarsa, məsələn,
İtaliyadakı kimi (Allah eləməmiş) onda işlər çətinləşər. Hər bir vətəndaşımız
bunu dərindən dərk etməlidir.
Lüzumsuz yerə küçə-bazara
çıxmamalıdır. Tətbiq edilən karantin rejiminin qanunları və tələbləri hər
birimizin sağlamlığı naminədir. Polislərimizi incitmək qanunu pozmaq deməkdir!
Bunun da qanunla cəzası təyin edilib. Hər kəsi taleyinin ümidinə buraxmaq
olmaz! Dövlətimizi, millətimizi və məmləkətimizi Allah qorusun, biz isə bütün
mümkün variant və imkanlarımızla dəstək olmalıyıq!
Tutalım, bir nəfər “evdəqal”
çağırışına məhəl qoymursa, sanitar qaydalara riayət etmirsə, həmin şəxsin “özüm
bilərəm, bu mənim sağlamlığımdır” deməsi böyük təhlükədir. Söhbət sərhədlər
aşan qlobal pandemiyadan gedir, birbaşa daşıyıcı şəxslə kontaktın və ya latent
nəticələri olma ehtimalı var.
Həkim yeri gəlmişkən daha bir
fakta da diqqət ayırmağı özünə borc bildi və qeyd etdi ki, koronavirus
ucbatından bizimlə Novruz bayramını keçirməyə gələ bilməyən, Macarıstanda təhsil
alan qızım Züleyxa Şirinovanın düşüncələri zamanla səsləşdiyi üçün bəzi məqamları
xat5ırladıram: “Təhsil fundamentim, oxuduqlarım və düşündüklərimi nəzərə alaraq
koronavirus pandemiyası fonunda sizə çox qısa və vacib məsələni çatdırım.
Koronavirus pandemiyası onu
sübüt etdi ki, sağlamlıq anlayışı nə qədər individual, yəni fərdi yanaşma ilə
assosiasiya edilsə də, onun qorunması mütləq şəkildə ictimai olmalıdır. Bir nəfərin
yoluxması və ya yoluxmaması artıq şəxsi seçimdən asılı deyil.
Bu risk daşıyıcıları körpəyə də,
ailə üzvlərinə də, qonum-qonşuya da, hətta küçədən keçən hər hansı bir nəfərə də
eyni dərəcədə təsir göstərə bilir.
Sözsüz ki, aşağı gəlirli təbəqə,
yaşlılar, sağlamlıq problemləri olan digər şəxslər ciddi təhülkə altında
(expose) kimi qəbul edilirlər.
Qısası, sağlamlıq private yox,
public good kimi yanaşılmalıdır. Bax, bu səbəbdən də universal ictimai səhiyyə
sistemi və icbari sığorta məsələsi ortaya çıxır ki, düzgün, ümumilkə, lokal
sağlamlıq siyasətinin (policy) və direktivlərinin hazırlanması, eləcə də icbari
sığortanın təminatı sözügedən caselərdə daha aşkar özünü bürüzə verir.
Odur ki, sağlamlıq
sosial-kollektiv imperativdir (zərurətdir). Ümidvaram, yaxın gələcəkdə icbari
tibbi sığorta Azərbaycanda bütün coğrafi xəritəni və hədəf qruplarını əhatə edəcək,
pilot layihə olaraq qalmayacaq. Özünüzü qoruyun ki, özünüzünküləri də bu bəladan
xilas edə biləsiniz”!
Məhəmməd Nərimanoğlu/zekainfo.az