Rusiya qəzetinin məlumatına görə, Kipr vasitəçi şirkəti fevralın 1-dən etibarən “Türk axını” boru kəmərindən qaz sifariş edib. Ehtiyatda olan imkanlar tanınmamış respublikanın ehtiyacları ilə üst-üstə düşür.

Rusiyanın “Kommersant” qəzetinin yazdığına görə, Rusiya çox güman ki, Dnestryanıya Türkiyə üzərindən qaz tədarük edəcək.

Yanvarın 20-də Kiprin “Ozbor Enterprises” şirkəti “Türk axını” qaz kəmərinin ötürmə qabiliyyətini sutkada 3,1 milyon kubmetr həcmində qiymətləndirib ki, bu da tanınmamış respublikanın təxmini tələbatına uyğundur. RBP ticarət platformasının məlumatına görə, bu, boru kəmərinin Türkiyə və Bolqarıstan sərhədindəki “Strandja-2” məntəqəsinə qədər uzanan hissəsidir.

Türkiyədən qaz Trans-Balkan Qaz Kəməri ilə Bolqarıstan və Rumıniya vasitəsilə Moldovaya nəql edilə bilər. Eyni zamanda, bu qaz kəmərinin müxtəlif hissələri hələ də rezervasiya olunmayıb.

Qəzetin mənbələrinə görə, çatdırılma fevralın 1-dən başlaya bilər. Onların sözlərinə görə, hazırda tərəflər qazın aprel ayına qədər verilməsi imkanlarını öyrənirlər.

Tərcümə edəni Səfər Şakiroğlu Zekainfo.az