İsrail HƏMAS-ın azad edəcəyi üç girovun siyahısını alıb: Ofer Kalderon, Keyt Siqel və Yarden Bibas.

İsrailin baş naziri Benyamin Netanyahunun ofisi cümə günü səhər bildirib ki, İsrail şənbə günü azad ediləcək Həmas-ın üç girovunun siyahısını alıb.

İsrail rəsmilərinə görə, onlar Ofer Kalderon, Keyt Sigel və Yarden Bibasdır.

54 yaşlı fransız əsilli İsrailli Ofer Kalderon və onun iki uşağı Erez və Sahar oktyabrın 7-də Kibbutz Nir Ozdan qaçırılıb. Sonuncular sonuncu atəşkəs zamanı azad ediliblər.

Şimali Karolinadan olan ABŞ vətəndaşı, 65 yaşlı Keyt Sigel Kibbutz Kfar Azadan olan həyat yoldaşı Aviva ilə birlikdə əsir götürülüb. Sonuncu 2023-cü ilin noyabrında buraxıldı.

35 yaşlı Yarden Bibas həyat yoldaşı və uşaqları Şiri, Ariel və Kfir ilə birlikdə Kibbutz Nir Ozdan qaçırılıb, lakin onlardan ayrılıb. Həmas Şiri və iki oğlanın əsirlikdə öldürüldüyünü iddia edib. İsrail onların ölümünü rəsmən təsdiqləməyib, lakin onların taleyi ilə bağlı "ciddi narahatlığını" ifadə edib. Yardenin özü qaçırılarkən yaralanıb.

İsrail rəsmiləri ailələrin məlumatlandırıldığını və İsrailin HƏMAS siyahısını qəbul etdiyini bildirib.

Tərcümə edəni Səfər Səfərov /Zekainfo.az