Macarıstanın Hare Krişna icmasının üzvləri evsizlərə və ehtiyacı olanlara 2500 isti yemək və hədiyyə paketləri paylayıblar.

Bu Milad bayramında Macarıstan Krişna icması həmişəkindən daha çox yemək payladı.

Dekabrın 25-də səhər onlar ehtiyacı olan insanlara 2500 isti yemək, o cümlədən macar kələm güveç və çay təqdim etdilər. Min nəfər yerli evsizlər üçün sığınacaqlarda, 1500 nəfər isə Budapeştdəki Nepliget Parkında qidalanırdı.

Yeməkdən əlavə benefisiarlar kiçik hədiyyə paketləri, o cümlədən Hare Krişna üzvləri və fərdi donorlar tərəfindən bağışlanan ərzaq məhsulları aldılar.

Tədbirin təşkilatçılarından biri Csilla Szilaj Péterné'nin sözlərinə görə, yerli supermarket müştəriləri Krişna icması tərəfindən xüsusi səbətlərdə toplanan un, şokolad və konservlər kimi tez xarab olmayan malları bağışlamaqla da rol oynadılar.

Tərcümə edəni Səfər Şakiroğlu Zekainfo.az