İlk ikitərəfli sammit: Aİ Mərkəzi Asiya ilə yeni tərəfdaşlıq sazişi bağlayıb İlk ikitərəfli sammitdən sonra Aİ beş Mərkəzi Asiya ölkəsi ilə iqtisadi əməkdaşlığın gücləndirilməsinə yönəlmiş yeni strateji tərəfdaşlıq sazişi imzalayıb

Aİ Özbəkistanın Səmərqənd şəhərində keçirilən birinci sammitdən sonra Mərkəzi Asiya ölkələri ilə yeni strateji tərəfdaşlıq elan edib.

İlk Aİ-Mərkəzi Asiya sammitində Avropa Şurasının sədri Antonio Kosta və Avropa komissarı Ursula fon der Leyen Qazaxıstan, Qırğızıstan, Tacikistan, Türkmənistan və Özbəkistan liderləri ilə iki günlük danışıqlar aparıblar.

Sammit, ABŞ prezidenti Donald Trampın Aİ və Böyük Britaniya kimi müttəfiqlər də daxil olmaqla, bir neçə ölkəyə bir sıra tariflər elan etməsindən bir gün sonra, bazarları sarsıdan və dünya liderlərinin tənqidinə səbəb olan təlatümlü geosiyasi və iqtisadi şəraitdə baş tutub.

Diplomatik əlaqələrin qurulmasının 30-cu ildönümünü qeyd edən Antonio Kosta çoxtərəfli əməkdaşlığın vacibliyini vurğulayıb.

Tərcümə edəni Səfər Şakiroğlu /Zekainfo.az