Polis təyyarənin niyə qəzaya uğradığını bilmədiklərini deyir, lakin səlahiyyətlilər təyyarənin qara qutusundan məlumatlar da daxil olmaqla sübut toplamağa başlayıb.

Taylandın məşhur kurort şəhəri yaxınlığında kiçik polis təyyarəsinin dənizə düşməsi nəticəsində göyərtəsində olan 6 nəfərin hamısı həlak olub.

Tayland Kral Polisinin sözçüsü Archayon Kraithonq bildirib ki, təyyarə yerli vaxtla səhər saat 8 radələrində Hua Hin rayonunda paraşütlə tullanma təliminə hazırlaşmaq üçün sınaq uçuşu həyata keçirərkən qəzaya uğrayıb.

Səlahiyyətlilər pervaneli təyyarənin modelini dərhal açıqlamayıb, lakin hadisə yerində çəkilmiş fotoşəkillərdə Viking DHC-6 Twin Otter-i əks etdirdiyi görünür.

Tərcümə edəni Səfər Şakiroğlu /Zekainfo.az