Təhlükəsiz sığınacaqlara artan tələb və getdikcə qeyri-sabit olan qlobal iqtisadiyyat nəticəsində qızılın qiyməti artıq ilin əvvəlindən təxminən 31% artıb.

Çərşənbə axşamı qızılın qiyməti bir unsiya üçün 3,500 dollardan yuxarı qalxaraq yeni rekorda çatdı, sonra yenidən 3,370 dollar/unsiyaya düşdü.

Bu, əsasən təhlükəsiz sığınacaqlara tələbatın artması ilə əlaqədar idi, belə ki, investorlar ABŞ Prezidenti Donald Trampın tariflərlə bağlı dəyişkən mövqeyindən və ABŞ Federal Ehtiyat Sisteminin sədri Cerom Pauelə qarşı artan tənqidindən sonra qiymətli metala axın edirdilər.

Tramp sözdə qarşılıqlı tariflərə 90 günlük fasilə elan etsə də, qlobal birjalar artıq əhəmiyyətli dərəcədə təsirlənib və investorlar da fasilənin kifayət qədər uzun olub-olmayacağından narahatdırlar.

Tərcümə edəni Səfər Şakiroğlu /Zekainfo.az